Berisha me demokratët në Lushnje: Rama bëri gjithçka për të ecur drejt Beogradit dhe jo BE-së

Nga takimi me demokratët në Lushnje përmes ”Foltores”, lideri historik i PD Sali Berisha akuzoi kryeministrin Edi Rama, duke thënë se nuk bëri përpjekje për të ecur drejt BE, por drejt Beogradit. Ai shtoi se në këto 8 vite Rama ka shuar shpresën e çdo shqiptari.

”Në 8 vite Shqipëria u ngjit në çatinë e botës për korrupsion, u shndërrua në qendër operacionale për krimin e organizuar. Të gjitha dyert e Europës u mbyllën për ne për këtë arsye. Edi Rama në vend që të bënte përpjekje për të ecur drejt BE, bëri gjithçka për të ecur drejt Beogradit.

E shndërroi veten në një Vasal të Beogradit. Në vend të procesit të Berlinit e zëvendësoi me nismën e Beogradit, e quajti Minishengen fillimisht dhe e ndaloi menjëherë Europe, dhe i dha emrin e multimiliarderit e Jeorge Soros, promovuesin e Vuçiç.

Në të gjithë këto zhvillime, opozita shqiptare ishte e paqenë, ajo nuk ndaloi dot në asnjë rekord të zi që shënoi qeveria në këto tetë vite, nuk sosi dot asnjë veprim të ndërmarrë dhe dështoi totalisht. Në këto 8 vite nuk ndezi asnjë shpresë, por shoi shumë shpresa dhe më duhet të të them se si njeri i fikur (Lulzim Basha) që je s’mund të ndezësh as shpresë te vetja jote”.