Berisha në Shkodër: Rama kontrollon më shumë pushtete nga Ramiz Alia

Në takimin me demokratët në Shkodër, ish-kryeministri Sali Berisha tha se Edi Rama sot kontrollon më shumë pushtete se Ramiz Alia.

“Sot mblidhemi në momentin më kritik, kur bastardët e ish-bllokut kanë vendosur një monizëm më të plotë se në 1991. Sot Edvin Rama kontrollon pushtete shumë më tepër se Ramiz Alia, diktatori i fundit. Ai kontrollon sot narko-ekzekutivin, parlamentin, drejtësinë.

Ka zëvendësuar shtetin ligjor me atë të krimit dhe drogës. Së fundmi në një akt makabër ai vendosi në kontroll ish-kreun e opozitës dhe pluralizmin. Jemi para një situatë të cilën vetëm revolucioni juaj, guximi do t’i japë përgjigjen e merituar.

Shpesh herë kam deklaruar se ky revolucion është i ngjashëm me atë të 1991. Dhe atëherë regjimi bënte gjithçka, por nuk mori dot peng pluralizmin dhe PD”, tha Berisha.