Berisha: Nuk ka zgjedhje pa rrëzuar Edi Ramën

Në mbledhjen e djeshme të grupit parlamentar të PD-së, më shumë se sa reforma në drejtësi, shqetësim kryesor kanë qenë zgjedhjet e ardhshme.

Duket se PD po përgatitet për një aksion të ri dhe nuk është çudi që të bojkotojë zgjedhjet.

Kjo u paralajmërua nga Sali Berisha.

Ai tha se “nuk ka zgjedhje pa rrëzuar Edi Ramën”.

Gjë që për momentin është e pamundur të ndodhë, pasi PD nuk ka as votat dhe as mbështetje për të kërkuar largimin e Ramës.

Siç ka thënë Berisha, për momentin PD ka vetëm armët.

Pas kushtrimit të Berishës, edhe Basha, si ditën e djeshme, ashtu edhe sot, ka kërkuar rrëzimin e Ramës.

Ky kusht i ri vjen në një kohë kur sondazhet tregojnë se PD është shumë keq dhe në zgjedhjet e ardhshme mund të dalë shumë më keq se në zgjedhjet e 2013-s.

Jo më kot Astrit Patozi paralajmëroi dje, se PD mund të asgjesohet në zgjedhjet e ardhshme. TEMA