Berisha: Nuk merret flamuri i PD-së. Ndërhyrje në këtë drejtim ka bërë dhe Yuri Kim

Edhe pse pritej me shumë interes, sot Gjykata e Apelit në Tiranë ka shtyrë vendimin për ankimimin e bërë nga grupi i Enkelejd Alibeajt. Kryetari i PD-së, Sali Berisha thotë se partia nuk ka asnjë arsye që të mos ekzistojë fuqishëm. I ftuar në emisionin ”Drejt”, theksoi edhe se ndërhyrje në këtë drejtim ka bërë dhe zonja Yuri Kim.

”Nuk ka qenë për statutin e vulën, por ka qenë një proces që e drejton Edi Rama. Ky që do të gjykohej sot është kjo, përpjekje e Edi Ramës për të bashkuar Kuvendin e 18 dhjetorit në të cilin 1300 bënin 5200 në të cilin të ja bashkoni një gjykimi që është bërë për korrikun, asnjë, ai ka firmën e një njeriu që nuk është. Edi Rama është një armik i betuar i Partisë Demokratike dhe ne do t’i përgjigjemi atij.

Partia Demokratike nuk ka asnjë arsye që të mos ekzistojë fuqishëm. Nuk merret flamuri i Partisë Demokratike, ai që tenton do të ketë pasoja. Ndërhyrje në këtë drejtim ka bërë dhe zonja Yuri Kim me një shkelje të kushtetutës, llogarinë e ka bërë në emër të Edi Ramës me qëllim që të goditej opozita në Shqipëri”.