Berisha nxjerr sms e qytetarit dixhital: Terr Koka, fushatë për blerje votash pas mesnate
Ish-kryeministri Sali Berisha ka publikuar denoncimin e një qytetari dixhital, ku thuhet se kandidati i PS-së, Lefter Koka po bën fushatë për blerje votash pas mesnate.
Postimi i plotë
Terr Koka, krimineli nr 1 i Durrësit, fushatë për blerje votash pas mesnate. Në krimin e tij të shëmtuar e ndihmon dhe narkokomisar Lorenc Shehu. Ju lumtë demokratëve që i kapën në flagrancë kriminelët e votës së lirë! Nesër fundi i Terr Kokës dhe bandës së tij. Fitore!
Lexoni mesazhin e qytetarit dixhital. sb
Përshëndetje doktor. Dua t’u njofoj se tani rreth orës 01:30 në zonën e Porto Romanos, po shpërndahen para sipas informacioneve nga banorë të zonës, nga Feta Mataj person i dënuar për grabitje me dhunë i shoqëruar nga djali i Lefter Kokës, Arbër Koka me një fuoristradë Toyota Land Cruiser, ngjyrë gri me targë AA 326 HD. U njoftua dhe nr 112, salla operative dhe Policia e cila është bashkëpunëtore me ta, thjeshtë bëri një xhiro e u kthye sepse drejtori policisë Durrës, Lorenc Shehu del xhiro nëpër Durrës me djalin e Lefterit në vend të parë me makinën e Policisë së Shtetit.
