Berisha: Partia Demokratike do të bashkohet e do ta rrëzojë Ramën

Kryetari i Partisë Demokratike, Sali Berisha u shpreh i bindur se opozita do të bashkohet dhe e bashkuar do ta rrëzojë Edi Ramën nga pushteti.

Ditën e sotme nga Memaliaj, Berisha bëri sërish thirrje për protesta të fuqishme, me qëllim largimin e Edi Ramës nga pushteti.

“Të ngrihemi të bëjmë gjithçka për një fitore të thellë në këto zgjedhje, të bëjmë gjithçka që me protesta të fuqishme t’i japim duart kësaj qeverie e cila ju garantoj se në 100 vitet e fundit nuk ka vjedhur kurrë një qeveri siç vjedh kjo shqiptarët.

Unë ju siguroj ju, se pavarësisht kushteve dhe rrethanave, PD dhe opozita shqiptare do bashkohet dhe e bashkuar do të nxjerrë nga pushteti Ramën dhe klikën e tij“, tha Berisha.