Berisha për kabinetin ”Rama 3”: Janë hajdutë profesionistë, shpallin tendera korruptivë

Nga takimi me demokratët në Kamëz me ”Foltoren”, ish-kryeministri Sali Berisha e ka cilësuar kabinetin e qeverisë ”Rama 3”, si hajdutët më profesionistë që Shqipëria ka pasur në historinë e saj.

”Rama ka grupuar hajdutët dhe hajdutët më profesionistë që ka pasur Shqipëria në tërë historinë e saj! Rama ka përzgjedhur si maskë make-up e disa zonjave për tu maskuar. Beqir Balluku nuk ka vjedhur 1/10 krahasuar me mbesën e tij, e cila në mënyrë kriminale shpall tendera korruptivë për ”Unazën e Madhe”.

Ajo jep dyfishin e çmimit të ndërtuar në tunelin e Krrabës, pra 20 milionë euro për 1 km rrugë kurse tuneli i Krrabës nuk ka kushtuar as 14 milionë euro. Pasi e shpall me 20 mln i kujtohet se i duhen edhe nja 5 mln të tjera dhe e shpall së dyti.

Janë me dhjetëra raste si kjo. Edi Rama nuk i nxjerr dot në televizion sepse në çdo fjalë i vjen era vjedhje. Po ministrja tjetër e dini që shiti lahutën dhe çiftelinë, lahutën serbëve dhe çiftelinë të tjerëve, vegla që ne krijuam kulturën tonë”.