Berisha prezanton kandidatin në Lushnje: Balla po bën fushatë të hapur për Bashën

Ish-kryeministri, Sali Berisha pasditen e kësaj të mërkure ka prezantuar kandidatin e koalicionit ”Shtëpia e Lirisë”, Elton Bano për bashkinë e Lushnjës, kjo në kuadër të zgjedhjeve të pjesshme lokale të 6 marsit.

”Ndryshimi është një mesazh për Ramën një mesazh se me Lul Bravën do të përfundoni në koshin e plehrave të historisë. Në datën 6 mars votoni ndryshimin e vërtetë, votoni Elton Banon dhe ju garantoj se keni firmosur ndryshimin për ju, për fëmijët tuaj”.

Po ashtu ish-kryeministri tha se Taulant Balla po bën fushatë për Bashën. ”Edi Rama i ka dhënë atij vulën me policë, i dha logon e PD dhe e rrëmbyen. Ai ka vendosur shpirtin e tij, logon e grabitur të partisë dhe vulën e saj në dispozicion të Ramës. Ndaj çdo votë për kandidatin e Bashës shkon për Edi Ramën. Ata që preferuan emëruan e Lul Bravës le të dëgjojnë dërdëllitjet e Taulantit Ballës që vjen bën fushatë për ta”.