Berisha: Procesi i Edvin drogës kundër Presidentit Meta, është një proces puçist antikushtetues

Ish-kryeministri Sali Berisha hedh akuza të rënda për Edi Ramën, duke thënë se ai po bën një proces puçist antikushtetues ndaj Presidentit Ilir Meta, si dhe nënvizon se me këtë veprim, kryeministri po firmos fundin e shpejtë. ”Në këtë proces ai duke shkelur në mënyrë flagrante parimet themelore të kushtetutës dhe disa nene të saj, kërkon të rrafshojë dhe institucionin e fundit që nuk kontrollon në Shqipëri dhe të vendosë pushtetin e tij absolut të bazuar mbi krimin, drogën dhe vjedhjen e korrupsionin”,-shkruan Berisha.

Mesazhi i plotë

Procesi i Edvin Drogës kundër presidentit, proces puçist antikushtetues!

Të dashur miq, pas grabitjes së zgjedhjeve, dhunimit masiv të vullnetit të shqiptareve me angazhimin e të gjithë shtetit monist, bajlozëve të zi të krimit dhe qindra milionë euro para droge, por edhe të thesarit të shtetit, Edi Rama, kreu i meduzës së krimit të organizuar, Lukadroga i Balkanit rinisi menjëherë vazhdimin e grushtit të shtetit me procesin antikushtetues të shkarkimit të presidentit të republikës.

Në këtë proces ai duke shkelur në mënyrë flagrante parimet themelore të kushtetutës dhe disa nene të saj, kërkon të rrafshojë dhe institucionin e fundit që nuk kontrollon në Shqipëri dhe të vendosë pushtetin e tij absolut të bazuar mbi krimin, drogën dhe vjedhjen e korrupsionin.

Dënoj me ashpërsinë më të madhe këtë akt puçist destabilizues dhe paralajmëroj Edi Ramën se po firmos kështu fundin e shpejtë dhe merituar të një krimineli puçist.