Berisha: Procesin e privatizimit të Partizanit e nisën 3 ministrat e Nanos

Ish-kryeministri Sali Berisha ka akuzuar sot SPAK-un se qëllimisht ka fshehur emrat e tre ish ministrave socialistë që kanë nisur procesin e privatizimit të kompleksit Partizani.

Në një deklaratë për mediat ai tha se kanë qenë pikërisht Anastas Angjeli, Blendi Klosi dhe Pandeli Majko që e kanë nisur këtë proces në vitin 2005.

“Klubin Partizani ua kthyen pronarëve ministrat socialistë që propozuan tjetërsimin e pronësisë të këtij klubi për një subjekt tjetër privat jo pronar.

Kështu pra nuk është Sali Berisha që ka propozuar privatizimin e Klubit Partizani, por janë ministrat socialistë Angjeli, Klosi e Majko”, tha Berisha.