Berisha: Rama i tmerruar, urdhëroi të arrestohet piloti gjerman

Ish-kryeministri Sali Berisha denoncoi sot ndalimin e nj ë piloti gjerman, me urdhër të kreu të qeverisë Edi Rama. Sipas Berishës, piloti u ndalua pasi kryeministri ka menduar se është provokuar prej tij.

 “Arrestohet piloti gjerman në Tirane, sepse tmerroi Ramën pasi rrugës për në Greqi fluturoi në lartësi mbi jahtin e tij.”

“Dje u arrestua në Rinas, pasi u kthyen nga fluturimi në Greqi, Korfuz, piloti gjerman i një helikopteri taksi të një kompanie të liçensuar private. Shkaku i arrestimit të pilotit gjerman në  Rinas, menjëherë pas kthimit nga udhëtimi në Korfuz, doli se ishte urdhëri i Edi Ramës, sepse piloti në zbatim të kursit të përcaktuar nga kontrolli ajror i vendit kishte fluturuar mbi det, ndonëse në lartësi, mbi jahtin me të cilin po shëtiste Rama.

“Rama ishte tmerruar dhe e kishte marrë fluturimin mbi jaht si një akt të qëllimshëm. Madje për një moment ai mendoi, si në rastin e Reformatos së tij, se këtë helikopter e ka dërguar të fluturojë mbi kokën tij Berisha.”

“Natyrisht “çunat e krimit” që arrestuan pilotin gjerman nuk i thanë atij se na e tmerrove Edvinin, por i thanë se e arrestonin në emër të Edvinit pasi e ka shqetësuar shumë me fluturimin e tij mbi zonën ku pushonte Edi Rama!”

“Ky është një akt i turpshëm, i dënueshem ku njerëzit ndalohen apo arrestohen jo për shkak të ligjit por gjendjes psiqike të kryepolicit të vendit!”

I tillë ishte reagimi i ish-kryeministrit Sali Berisha, në profilin e tij facebook, mbi ndalimin  e fundit të një piloti gjerman, që dyshohet se fluturoi afër vendndodhjes së Kryeministrit Edi Rama, gjatë këtyre ditëve pushimesh.