Berisha: Rama ka 170 minuta biseda telefonike me anëtarët e Gjykatës Kushtetuese

Sali Berisha tha sot në Kuvend, se Edi Rama ka 170 minuta biseda telefonike me anëtarët e Gjykatës Kushtetuese për të shpëtuar Koço Kokëdhimën nga heqja e mandatit.

Sipas Berishës, Rama i ka kërcënuar gjyqtarët.

Berisha i bëri thirrje prokurorit të Përgjithshëm të hetojë.

Ai tha se Rama u ka dërguar anëtarëve të Gjykatës Kushtetuese edhe sekretarin e Përgjithshëm dhe për këtë arsye ai i kërkoi Kryeprokurorit të sekuestrojë filmimet e kamerave të sigurisë së Gjykatës Kushtetuese.

“Edi Rama ka 170 minuta biseda telefonike me anëtarët e Gjykatës Kushtetuese për të shpëtuar Koço Kokëdhimë.

Veç kërcënimeve më të ulëta ndaj gjykatësve, ka dërguar jo një, por disa herë sekretarin e Përgjithshëm të mafias qeveritare, e njeriut që i përshtat atij fjalimet e Benito Musolinit, mafiozin Engjell Agaci.

I bëj thirrje prokurorit të Përgjithshëm të marrë të gjitha bisedat me Edeskobarin dhe kamerat e gjykatës kushtetuese.

Cilat janë vizitat që ka bërë aty sekretari i përgjithshëm i mafias shtetërore, përshtatësin e fjalimeve të Benito Musolinit për Edi Ramën?

I bëj thirrje prokurorit të Përgjithshëm të marrë kamerat e gjykatës së lartë të shohë sa herë i viziton ky mafioz.

A e dini ju se ky bashkë me Visin e Ramës që i jep vizat e kokainës Ramës, kanë instaluar në zyrën antikorrupsion, makinerinë e pastrimit të parave?

Se këta janë të besuarit e Ramës që numërojnë valixhet me para. Se nuk i marrin pa numëruar, se nuk duhet të gënjejnë. Se u merr shpirtin për 100 euro”, u shpreh Berisha në parlament.