Berisha: Rreziku qëndron si ”Shpata e Demokleut”. Mbi 744 mijë shqiptarë kanë ikur nga vendi

Kreu i PD-së, Sali Berisha ka përkujtuar nga Dibra ditën europaine të viktimave të regjimit totalitar. Nga Sllova ku ka vendosur një kurorë me lule në monumentin ”Elez Isufi” & ”Isuf Xhelili”, Berisha tha se si atëherë nën regjimin diktatorial dhe sot Shqipëria është në rrezik.

Ish-kryeministri i Shqipërisë deklaroi se këto 8 vite asnjë komb tjetër nuk ka humbur pjesëtarët e vet më shumë se i kemi humbur ne shqiptarët.

“Nga 2014 deri më sot, me statistika të sigurta, të BE-së vetëm në zonën e BE janë larguar nga Shqipëria 744 mijë shqiptarë pa llogaritur sa kanë shkuar në vende të tjera të botës. Rrudhje e madhe, shkretëti, po ikën rinia, fëmijët, po ikën e ardhmja. Përveç kësaj, çfarë po ndikon, ose a jemi ne në rrezik, le të ndalemi. Janë disa të dhëna, nëse 8 vite më parë arritëm për herë të parë në të gjithë kohërat për rrogat e pensionet, arritëm të tejkalojmë të gjitha vendet, dhe dy vende të BE-së. Sot janë më të ulëtat në rajon, 30 për qind më të ulëta se në Kosovë”.