Berisha ”skanon” kandidatët e PS-së për 14 Majin: Janë vëllezër në vese me Ramën

Këtë të mërkurë, Sali Berisha prezantoi kandidatin e koalicionit “Bashkë Fitojmë”, Aurel Malko për bashkinë Divjakë, ku bëri një skanim të kandidatëve të mazhorancës, që siç u shpreh ai vijnë nga “bodrumet e mafies”. Berisha vlerësoi kandidatët e “Primareve”, duke thënë se ata do të jenë shpërdorë të qytetarëve.

“Kandidatët e krahut tjetër vijnë nga bodrumet e mafies. Dje isha në Has, kandidati i Hasit kishte dy emra dhe 4-5 arrestime, ishte si puna e Kokoneshit. Kandidatët e krahut tjetër në tërësi janë vëllezër në vese me kreun e tyre. Janë të sprovuar në aktet e vjedhjes dhe shpërdorimit. Por ata kanë një tipar të përbashkët.

Ata për qytetarët nuk duan t’ja dinë. Ju garantoj se Aureli dhe të gjithë kandidatët e primareve janë dhe do jenë shërbëtore tuaj, janë dhe do jenë menaxherë dhe drejtues me transparencën më të madhe. Ata në standardet më transparente do përdorin çdo qindarkë të burimeve për të mbështetur fermat tuaja dhe biznesin tuaj”,-tha Berisha.