Berisha sot feston 72-vjetorin: Kjo vjeshtë më duket si pranverë

Ish-kryeministri Sali Berisha feston sot 72-vjetorin e lindjes. Por ndonëse ditëlindja e tij është në vjeshtë, ai thotë se i duket pranverë. E megjithatë nuk e ka fjalën për stinën, por për vitet, duke lënë të kuptohet se ndihet i ri, dhe pse ka 72 vite mbi supe.

“Sot 72 vjeç! Miq, është fitore dhe bekim të bëhesh 72 vjeç dhe të të duket vjeshta si pranvere! Mirënjohje të pakufishme Zotit, Lilit e të gjithë familjarëve, miqve, të afërmve, bashkëpunëtorëve, mbështetësve të mi, që me dashuri, përkushtim të madh më kanë shoqëruar dhe aq shume më kanë ndihmuar, mbështetur, frymëzuar përgjatë këtij rrugëtimi. Zoti i bekoftë!! Sb”, shkruan ish-kryeministri Sali Berisha, teksa bashkangjit një foto me bashkëshorten e tij dhe nipin.