Berisha: Tahiri i çoi Shullazin në qeli Durim Bamit

Para disa ditësh, deputeti Tom Doshi tha se Durim Bamit, personit që ai pretendon se është paguar për ta vrarë, i kanë bërë presion.

Ai tha se një efektiv i RENEA-s i ka hyrë në qeli, duke e kërcënuar se do i vrasë fëmijët, nëse do dëshmojë për komplotin ndaj Doshit.

Por Sali Berisha thotë se personi që i ka hyrë në qeli Bamit për ta kërcënuar është Emiliano Shullazi.

Këtij të fundit iu bë atentat para disa javësh, ndërsa kthehej nga Fushë Kruja.

Në Fushë Krujë lidhen shumë gjëra dhe kjo ka bërë që të ketë shumë spekulime.

Së fundmi, gazetari Artan Hoxha tha se Durim Bami po përgjohej për vrasjen e bankierit Artan Santo, kur u mësua për historinë e Doshit.