Berisha: Zyrtari i arrestuar i FBI-së, lidhje të ngushtë me Ramën

Kryetari i Partisë Demokratike, Sali Berisha ka reaguar lidhur me arrestimin e ish-zyrtarit të lartë të FBI-së, Charles McGonigal.

“Dje dhe sot mediat më të mëdha në botë kanë informuar publikun e SHBA-ve, të Europës dhe botës, se Charles McGonigal, u arrestua në aeroportin e Nju Jorkut, teksa kthehej nga një udhëtim në Europë. Pak muaj më parë, kam denoncuar para publikut shqiptar lidhjen e ngushtë të Ramës me këtë aset të shërbimeve ruse. Ai u ngarkua në grupin e prokurorit special Myler për hetimin e lidhjeve të presidentit Donald Trump me rusët. Por FBI gradualisht gjeti se ky vetë kishte lidhje të sëmura ruse. Por, në vorbullën e stuhisë, gjendet sipas mediave të botës kryeministri i Shqipërisë, Rama. Ish-këshilltari i tij, Dorian Duçka, një supermafioz me lidhjet më të dyshimta”, tha Berisha.