Besnik Aliaj: PD jo kandidat për Tiranën, të mbështesë Bojaxhi

Besnik Aliaj, një nga emrat e përfolur si kandidat i opozitës për Bashkinë e Tiranës, ka bërë një propozim jo të zakonshëm për Partinë Demokratike.Në një postim në rrjetet sociale, Aliaj i kërkon Partisë Demokratike që të bëjë aleancë me qytetarët dhe intelektualët për këto zgjedhje vendore, por në Tiranë të mos shpallë kandidat të saj dhe të mbështesë Gjergj Bojaxhiun.

Aliaj arrin në këtë përfundim pas një analize sipas të cilës PD do ta ketë në mos të pamundur, shumë të vështirë të fitojë bashkinë e Tiranës.Aliaj propozimin e tij e bazon mbi tre pika kryesore, ku veç propozimit për të mos nxjerrë kandidat, i këshillon opozitës që të hartoje një liste super VIP intelektualesh vetem per Këshillin Bashkiak dhe sigurisht të mbështesë Gjergji Bojaxhiun.Sipas Aliajt, Bojaxhi mund të gjenerojë një frymë që mund tu japë fund edhe lojrave matematikore me “king-makers”.

Aliaj e mbyll postimin duke thënë se është koha që opozita te behet opozite reale, duke u hapur dhe në këtë mënyrë të fillojë të gatuajë fitoren që nis nga Tirana.