Beteja për Shkodrën si beteja për Stalingradin!

Në Shkodër do të kemi betejën e madhe të 6 marsit. Edhe bashkitë e tjera do të jenë përplasje, por si Shkodra këtë herë nuk do të ketë zgjedhje asnjëherë tjetër në Shqipëri.

Do të jetë si “Stalingradi”, betejë për jetë a vdekje. Në Shkodër beteja më e egër do të bëhet mes Bashës dhe Berishës.

Kandidatët janë këta: Për PS-në do kemi një femër, Majlinda Angoni. Për Berishën dhe koalicionin e djathtë, ku futet edhe LSI, është Bardh Spahia i cili do të luftojë me Xhemal Bushatin e PD-së së Bashës.

Përplasja mes palës së Berishës dhe atyre të Bashës do të jetë epokale sepse luftohet për Bashkinë, por në thelb beteja do të kthehet në luftë për siglën e PD-së pas 6 marsit.

Po të fitojë Bardh Spahia atëhere Basha ka rënë mu në Shkodër edhe si kryetar PD-je. E kundërta shkon te ajo që Saliu ikën në pension pa kthim, pra nëse fiton kandidati i Bashës.

Shkodra shikohet si betejë jo vetëm për bashkinë, por edhe për Kalanë e Shkodrës, e cila përkthehet në Selinë Blu.