Bie e-Albania/ PD: Qeveria fsheh informacione, mund të kenë hakëruar të dhënat e qytetarëve

Për rënien e E-Albania, Partia Demokratike thotë se situata është si skenar hollivudian. Anëtar i këtij komisioni, Arben Ristani në një dalje për mediat, tha se qeveria po mundohet më shumë të fsheh informacione se sa të zbulojë.

PD risjell në vëmendje rastin e patronazhistëve, të cilët kishin në duar të dhëna të qytetarëve shqiptarë, të siguruara përmes të njëjtit sistem, i cili është hakëruar.

“Në një rast të dytë të paprecedent, punonjësit e së njëjtës administratë nxorën të dhëna sensitive të qytetarëve, që nga rrogat, të dhënat personale e me rradhë”.

Ristani thotë se pas lajmit për hakerimin mund të fshihen rrjedhje të tjera të databazës dhe të dhëna sensitive publike.

“Kur kjo të ndodhë, Shefi i Shtabi të Përgjithshëm të Patronazhistëve, do t’ja hedhe fajin hakerimit të bërë nga ”forca të panjohura””.