Bien bastionet, PD drejt marrjes së Përmetit e Beratit, PS fiton në veri

Numërimi i votave deri më tani, ka sjellë disa të papritura. E majta është duke humbur disa bastione të saj. Kështu, pothuajse ka fituar edhe zyrtarisht në mënyrë surprizë, kandidati i PD-­së, Niko Shupuli.

Edhe në Këlcyrë, kandidati i mbështetur nga PD është duke fituar. Surpriza më e madhe mund të cilësohet Berati, një bastion historik i së majtës. Në mënyrë të papritur, Kasëm Mahmutaj i PD për momentin është duke fituar ndaj kandidatit të së majtës. Por, ndërsa e majta ka humbur disa bastione të saj në jug, ka fituar disa bastione të djathta në veri.

E majta ka arritur të marrë bashkitë e Pukës dhe Fushë Arrësit. E majta ndërkohë ka fituar pas shumë vitesh edhe Bashkinë e Delvinës. Ndërsa bashkitë e mëdha, me përjashtim të Shkodrës, ashtu siç ishte parashikuar, po fitohen nga e majta.