Blendi Klosi betohet para Presidentit si ministër (foto)

Deputeti i Partisë Socialiste Blendi Klosi ka bërë betimin si ministër përpara presidentit të Republikës. Ai ka marrë postin e ministrit të Mirqënies Sociale dhe Rinisë pas largimit të Erion Veliajt, që kandidon për bashkinë e Tiranës. 44-vjeçari ka qenë edhe më herët ministër në qeveritë socialiste të para vitit 2005. Në ceremoni ka munguar kryeministri Rama, ndërsa nga kabineti qeveritar ka qenë zv.kryeministri Peleshi.