Bojaxhi: Nuk do të jem unë kryetar i partisë

“Akuzat ndaj meje janë një përpjekje për të baltosur këdo që është aktiv”. Kështu e ka përkufizuar Gjergj Bojaxhi, sulmin mediatik, por edhe hetimin që prokuroria po I bën, për dyshimin se ka kryer transaksione offshore e se ka përfituar në mënyrë të paligjshme në kompaninë ku drejton. I ftuar në emisionin Oktapod të Turjan Hyskës, Bojaxhi  u shpreh se sajesat ndaj tij u ngritën në një moment kur është mësuar nga opinioni se do të aktivizojë një forcë të re politike.

Por sipas ish-kandidatit për Bashkinë e Tiranës, këto akuza vijnë edhe për shkak të incidentit që ndodhi ditën e prezantimit nga kryeministri Edi Rama, të projektit për stadiumin e ri në Tiranë, kur ai vetë, Fatos Lubonja dhe Andi Bushati, nuk u lejuan të hyjnë në takim. Përsa I përket forcës së re politike ku ai do të marrë pjesë (emir I së cilës është ende në diskutim), Bojaxhi shpjegoi për herë të parë, se do jetë partia e parë me demokraci reale, që I jep forcë anëtarit dhe nuk mbetet peng I kryetarit. Sipas tij, në këtë parti, votimi do të jetë I drejtpërdrejtë dhe cdo anëtar, nëse I njeh vetes potenciale, mund të konkurojë për pozicione drejtuese.

Duke patur modelin amerikan si shembull, Bojaxhi shpjegoi se në partinë e re, do të vendoset normë staturore që kryetari nuk do të jetë kandidat për deputet, as për ministër, as për ndonjë post zyrtar, por do të merret vetëm me menaxhimin e partisë. “Partia do të administrohet nga njerëz që nuk do të jenë aktivë në konkurim. Kushdo që do të ndihet protagonist e që ka ide, do të votohet nga anëtarësia për të hyrë në strukturën drejtuese. Unë nuk do të jem kryetari”- ka shpjeguar Bojaxhi.

I pyetur nëse në këtë parti do të ketë vend për Lubonjën, Blushin, Bushatin apo individë të tjerë me vokacion public, Gjergj Bojaxhi u shpreh se forca e re politike do të jetë e hapur për këdo që do ta gjejë veten në të. Sipas tij, partia e re nuk do të jetë në koalicion me asnjë parti aktuale, qoftë në qeverisje, qoftë në opozitë