Braçe poston fotot: Nesër Rama do të vijë në Divjakë, në vitin 2019 u betua si zv.kryeministër

Deputeti i PS-së, Erion Braçe bën me dije se kryeministri Edi Rama do të jetë në Divjakë nesër. Ai rikujtoi se si sot në vitin 2019 ai u betua si zv.kryeministër, duke theksuar se është shumë i kënaqur që doli nga ajo zyrë siç hyri “me kokën lart, i pa tjetërsuar, i pa ndryshuar”.

Postimi i plotë

17 JANAR, SI SOT NË VITIN 2019. Pasi u betova dhe nënshkrova, Hyra në një zyrë të thjeshtë, si kjo; Në murin e saj, gjeta këtë simbolin bardh e zi; Në murin e profilit në Instagram, gjeta këtë shprehjen që tingëllon mirë vetëm në italisht: Fino alla fine! Jam shumë i kënaqur që dola nga ajo zyrë ashtu si hyra, Me kokën lart, i pa tjetërësuar, i pa ndryshuar,

Pa u bërë palë kundër dhe pa krijuar klan me atë, atë dhe atë, Pa fluturuar prej pushtetit të madh – numri dy i qeverisë, Pa nënvlerësuar e shperfillur askënd, Pa i rënë në qafë kujt dhe pa i dhënë favore një tjetri! Hyra aty pas një nominimi nga Edi Rama, një duartrokitje nga salla e socialistëve që më la pa frymë dhe nisa punë në një vit që u shënjua nga termmeti vrasës, kalova në një tjetër vit të dominuar nga ndërtimi pas termetit, ndërsa në vitin e tretë përballë pata dhe patëm pandeminë vrasëse.

Në verën e tij, duke i shkuar deri në fund, thashë: do dal si shenjë përgjegjësie dhe lidhur me rezultatin fitues – por jo aq, në zgjedhje.
Edhe punës në #Divjakë do t’i shkoj deri në fund, i përulur dhe thellësisht mirënjohës!

NESËR, 18 JANAR, EDI RAMA DO TË VIJË NË DIVJAKË! DUAM TË FLASIM ME JU!