Braimllari: Rama ka vrarë demokracinë vendore, i ktheu këshillat bashkiakë në komitete ekzekutivë
Sekretari i Përgjithshëm i LSI-së Endrit Braimllari foli në studion e Report tv për 13 tetorin e cila për LSI është datë zyrtare zgjedhjesh në zbatim të dekretit të presidentit.
Braimllari tha se kërkesa e tij është dorëzuar vetëm në emër të LSI ndërkohë që refuzoi të fliste për qëndrimin e PD, e cila deri më tani nuk është regjistruar në këto zgjedhje.
Braimllari tha se 13 tetori është datë zgjedhjesh pasi LSI ruan identitetin e saj si një forcë politike e konsoliduar.
“Kjo kërkesë është dorëzuar pas shkresës së të premtes. Kërkesa jonë është bërë në emër të LSI. Zgjedhjet janë të vendosura me dekretin e presidentit. Ai është i zbatueshëm për të gjithë.
Kërkesa jonë është brenda afateve. Katër drejtuesit politikë do mbajnë përgjegjësi penale. Ne kemi vepruar në zbatim të ligji, në respektim të kushtetutës.
Ka një rakordim. Tre partitë që dërguan kërkesën të premten kanë vepruar në kuadër të frymës opozitare. Edhe PD njeh 13 tetorin si datën zgjedhjesh. Kërkesa është çështje teknike. Fronti opozitar është i bashkuar. Kjo është një vendimmarrje e LSI por e rakorduar me opozitën e bashkuar. Por unë nuk mund të flas pë hapat e radhës së PD-së.
Ajo ccka është e qartë për shqiptarët është se më 30 qershor nuk kishte zgjedhje. Të gjithë këshillat bashkiakë kanë 90% mazhorancë në përbërjen e tyre. Edi Rama ka vrarë demokracinë vendore. Edi Rama i ktheu këshillat bashkiakë në komitete ekzekutivë. Rama po shkatërron demokracinë e funksionimit në këtë vend. Edi Rama si moto të tij ka dhunën dhe uzurpimin.
Nuk mundet që kryetarët e bashkisë që përfaqësojnë një komunitet të fusin në luftë qytetarët me njëri tjetrin. Rama na paska dërguar shtatë letra ku i thotë Bashës hajde. Ditën e parë kur Rama i dërgon shkresës publike opozitës në KQZ votohet kundër përfaqësimit të opozitës. Nuk dialogohet kështu. 85% nuk pranuan të marrin pjesë në këtë farsë.
Rama thotë se u përça opozita, por ju siguroj se LSI ruan identitetin e saj. LSI ka dhënë kontribut dhe është një forcë politike e konsoliduar. Kjo nuk do të thotë se jemi të ndarë nga PD. Ne jemi bashkë sepse nga bashkon Edi Rama. Nëse ne kemi mendime të tjera, kjo është gjë tjetër. 13 tetori është ditë zgjedhjesh. Këtë e ka shprehur qartë edhe PD”, tha Braimllari.
Pjesë nga intervista
Do të flasim për zhvillimet më të fundit që vijnë nga aleatët opozitarë lidhur me letrën më të fundit të dërguar sot KQZ-s lidhur me një kërkesë për regjistrimin në zgjedhjet e 13 tetorit. Keni qenë ju pra kampi i LSI, ka qenë PR-ja dhe PA më herët. Ju keni dorëzuar këtë kërkesë, çfarë ka ndodhur?
Në fakt kjo kërkesë është dërguar pasi ditën e premte KQZ-së i është dërguar zyrtarisht një shkresë ku i është kërkuar që të nisë procedurat e 13 tetorit sepse tani zgjedhjet në vend janë të vendosura me dekret të presidentit për datën 13 tetor. Ishte absurde komunikimi me 4 anëtarët e rilindjes në Komisionin Qendror të Zgjedhjeve që për fatin e keq është kthyer në Komisionin Qendror të Manipulimit dhe të vjedhjeve ku të katërt anëtarët refuzuan që të merrnin pjesë në mbledhjen e thirrur nga kryetari i KQZ, zoti Zguri, për të marrë në shqyrtim këtë shkresë apo kërkesë të këtyre partive të opozitës. Në kuadër të kësaj ne sot kemi vendosur që të dërgojmë në KQZ kërkesën për regjistrimin e Lëvizjes Socialistë për Integrim si subjekt zgjedhor në zgjedhjet e 13 tetorit sepse tani më zgjedhjet e 13 tetorit janë zgjedhje për pushtetin lokal të vendosura me dekretet të Presidentit të Republikës dhe janë të zbatueshme për të gjithë. Nuk ka KQZ politike, nuk ka kamikazë politikë, të cilët flasin apo hamendësojnë mbi dekretin e Presidentit. Dekreti i Presidentit është i zbatueshëm për të gjithë dhe KQZ-ja e ka detyrimin ligjor të vazhdojë me procedurat e zgjedhjeve të 13 tetorit. Më 30 qershor nuk pati proces zgjedhor. Nuk kishte dekret të Presidentit të Republikës për zgjedhje atë ditë, sepse u shfuqizua dekreti dhe u vendos 13 Tetori. Më 30 Qershor pati votime partiake të rilindjes dhe 85% e qytetarëve refuzuan këto votime. Ne kemi vepruar në zbatim të ligjit dhe të Kushtetutës së Republikës së Shqipërisë sepse zgjedhjet janë më 13 tetor dhe këto janë me dekret të Presidentit të Republikës dhe janë të zbatueshëm për të gjithë. Ajo çka është e qartë tani për shqiptarët është se më 30 Qershor nuk kishte zgjedhje, nuk kishte alternativë, ishte ditë votimesh e PS-së dhe u votua për strukturat e Partisë Socialiste. Më pas të gjithë Këshillat Bashkiak që u votuan, pra jo në zgjedhje, por në votimet e brendshme të rilindjes, kanë 90% mazhorancë në Këshilla Bashkiak, janë kthyer si komitet ekzekutiv. Edi Rama thone që në protesta të mos ushtrohej dhunë ndaj institucioneve, kur në fakt janë këta njerëz që me çekiç dhe trapan në dorë po thyejnë dyert e bashkive duke i uzurpuar dhe duke i dhunuar institucionet e bashkisë. Shikoni çfarë ndodh në Përrenjas, me çekiç dhe trapan në dorë thyejnë dyert e Bashkisë, po kështu në Devoll, po kështu në pjesën më të madhe të Bashkive të vendit sepse kërkon të çojë në Bashki një kryetar ilegjitim, i cili pretendon se është zgjedhur Kryetar Bashkie me 6% të pjesëmarrësve ne votime.
