Britania jashtë BE-së; Mediu: “Në pikëpyetje integrimi i Shqipërisë”

Lajmi që Britania doli nga Bashkimi Europian, preku jo vetëm Europën. Shqipëria si një vend kandidat, për tu anëtarësuar dhe përfshirja e saj në Brexit e Britanisë nuk ka kaluar pa vëmendjen e mediave ndërkombëtare. Por për vendin tonë, sa ndikim do të ketë vendimi i Britanisë? Për kreun e Partisë Republikane, ky është një lajm i keq dhe me pasoja për Ballkanin dhe Shqipërinë u shpreh më tej Fatmir Mediu, në fjalën e mbajtur gjatë asamblenë së PR-së, e cila u mblodh paraditen e së shtunës.

Në qëndrimin e tij, Mediu tha se zyrtarët e Brukselit duhet të dalin me një përgjigje sa më të shpejtë në lidhje me këtë problem. Britania, shtoi ai më tej, vuri në pikëpyetje historinë 70-vjeçare të BE. “Dje patëm një lajm të trisht për Europën, por edhe për shqiptarët. Largimi i Britanisë së Madhe nga BE është lajm i keq. Britania ka vendosur të vërë në pikëpyetje një histori 70 vjeçare. Zyrtarët e Brukselit duhet të dalin me një përgjigje sa më të shpejt, që për kohën duket shumë e vështirë. Europa duhet ti përgjigjet problemeve të saj të cilat janë më të thella sesa ne i shohim. Këto probleme do të kenë pasoja financiare edhe për ne edhe pse jemi në periferi. Ekonomia shqiptare do të këtë pasojat e saj. Shumë vlera dhe standarde të Europës mund të injorohen”,- deklaroi Fatmir Mediu.

Sipas tij, vende me probleme të mëdha si Shqipëria mund të ketë pasoja afatgjata, kjo sepse shpjegon Mediu, është një situatë e papëlqyeshme për Ballkanin dhe ku Shqipërinë dhe lodhja e zgjerimit u zëvendësua me bllokimin e përkohshëm. “Sot më tej ka shumë pikëpyetje në rrugën tonë Europiane sepse qëllimi imediat mbetet që ajo që ndodhi më Britaninë mos ndodhë me vendet e tjera”,- shtoi kreu i republikanëve.

Më tej, Mediu vuri theksin se:”Kjo situatë sjell në Ballkan edhe aleanca të vjetra që janë bërë tunduese. Rusia do të vazhdojë influencën për zgjerimin në Ballkan”,- pohoi kreu i republikanëve. E ndërsa për ecurinë e vendit drejt anëtarësimit në BE, Mediu theksoi se:”Rruga drejt BE-së është shumë e vështirë. Kjo situatë shton për ne shumë probleme, pikëpyetje që kërkon angazhime serioze”.

R.Sh