Bumçi: Më 12 dhjetor Basha nuk është më kryetar partie

Ish-deputeti dhe anëtari i Kryesisë së PD, Aldo Bumçi thotë se pas datës 12 dhjetor, Lulzim Basha nuk do të jetë më kryetar i PD-së, dhe shtoi se askush nuk do ta pengojë vijimin e karrierës së tij në këtë parti apo të mbështetësve të tij.

“Më 12 dhjetor Basha nuk është më kryetar partie. As vazhdimi i karrierës së tij në PD, është anëtar Kryesie, deputet dhe nuk e pengon askush karrierën e tij politike me rregullat që përcaktohen për të gjithë.

Mbështetësit e tij vazhdojnë mbeten në PD. Jepet mundësia e fraksioneve. Projekti i 11 dhjetorit nuk nënkupton z.Berisha dhe të gjithë janë pas tij.

Kjo nuk është shtëpi e madhe. Askush nuk duhet të largohet apo të krijojë lëvizje jashtë PD. Madje të rikthehen dhe këta që janë larguar në këto vite. Si ish-kryetar Basha do të vazhdojë karrierën në PD. Por ai do që krizën e tij personale si kryetar partie t’ia kalojë të tjerëve”, tha Bumçi në ”A2cnn”.