Bushati në OSBE: Shqipëria mbështetje nga SHBA-BE për reformat

Shqipëria nuk ka vetëm vullnetin për të kryer reforma, por  dhe mbështetjen e jashtëzakonshme të partnerëve si BE dhe SHBA. Gjatë fjalës së mbajtur me rastin e 25 vjetorit të anëtarësimit të shqipërisë në OSBE, ministri i Jashtëm u ndal te reformat e ndërmara në mënyrë të veçantë, edhe në reformën në drejtësi, si një nga reformat më madhore  për vendin, ku edhe OSBE ka dhënë kontribut për realizimin e saj.

Sipas ministrit të Jashtëm shqiptar  “Qëllimi i reformës në drejtësi është që të sigurohet pavarësia e sistemit, llogaridhënia, profesionalizmi dhe efektiviteti, si dhe çrrënjosja e korrupsionit. Ky shtoi Bushati është një proces sfidues, i mbushur me vështirësi, por, ne kemi vullnetin politik për ti kryer reforma.

Ministri Bushati përsëriti edhe një herë kërkesën e Shqipërisë dhe të shumë shteteve të tjera pjesëmarrëse të OSBE-së që Kosova të jetë pjesëmarrëse në diskutimet që zhvillohen në forumet e kësaj organizate.

Sipas ministrit ka ardhur koha që Kosova, ashtu si çdo vend tjetër i rajonit, së shpejti do të ketë një vend në Këshillin e Përhershëm të OSBE-së. Ministri I jashtëm shqiptar theksoi nevojën për mbrojtjen e të drejtave të pakicave në rajon, si një element kyç të forcimit të urave lidhëse mes popujve të Ballkanit Perëndimor.