Buxheti 2024, Rama: Mbështet zgjerimin e ekipeve sportive në shkolla, për të inkurajuar talentet sportive të nxënësve

Buxheti 2024 për arsimin dhe sportin do të mbështesë zgjerimin e ekipeve sportive në shkolla.

Lajmin e jep kryeministri Edi Rama, i cili në Facebook ka postuar pamje nga “Shkolla e Kuqe”, ku ekipet sportive të volejbollit e basketbollit, si dhe klubet e shkollës për shah, boks e disiplina të tjera, ofrojnë për nxënësit mundësi të shkëlqyera për të zhvilluar aftësitë e tyre, si pjesë e lëvizjes sportive në shkolla.

“Me buxhetin 2024 do të mbështesim zgjerimin e ekipeve sportive në disiplina të ndryshme, për të inkurajuar talentet sportive të nxënësve tanë, që janë krenari e shkollave dhe të gjithë komunitetit”, u shpreh Rama.

Në gjithë shkollat e vendit janë mbi 10 mijë nxënës, 700 skuadra dhe mbi 400 trajnerë të angazhuar në këtë lëvizje të madhe sportive në shkolla.