Bylykbashi: Kuvendi Kombëtar mund të shkarkojë Bashën më 11 dhjetor

Deputeti i PD-së, Oerd Bylykbashi thotë se 4200 anëtarë të PD-së kanë përcaktuar agjendën dhe do të marrin në shqyrtim punën që ka bërë kryetari i partisë më datë 11 dhjetor, dhe “po të jetë e nevojshme do të merret masë mbi kryetarin e partisë”.

”Ne kemi dy kuvendi të thirrura. Një është kuvendi që thërrasin anëtarët dhe një kryetari. Mirëpo, kryetari nuk mund të pozicionohet kundër anëtarësisë, madje është kryeshërbëtori dhe duhet të ulë kokën para saj”.

Deputeti i PD-së po ashtu thotë se një pjesë e anëtarësisë së PD e ka thirrur kuvendin duke parë nevojën për ndryshime statutore, pasi pretendojnë se kreu ka marrë të gjithë pushtetin e partisë.