Çaçi sfidon zyrtarisht PS në Fier

Albert Çaçi është zyrtarisht kandidat i Partisë Social-Demokrate për Bashkinë e Fierit.

Ish-deputeti socialist ka depozituar 2950 firmat e nevojshme në KQZ gjatë mesditës së sotme.

Emri i tij përflitej prej disa javësh dhe sot ka ardhur zyrtarizimi.

Çaçi ka qenë deputet i PS për tre legjislatura deri në vitin 2013.

Dalja e tij me PSD erdhi si një “hakmarrje” e vogël ndaj PS që e shpërfilli në zgjedhjet e 2013 por edhe në zgjedhjet e 21 qershorit.

Futja në garë e tij natyrisht që do të pakësojë votat e PS në Fier duke e bërë më të ngushtë diferencën mes Armando Subashit të PS dhe Enkeled Alibeaj të PD.