Çadrat me vete/Reshje shiu dhe borë këtë të shtunë, 7 mars 2020

Sot është 7 mars, dita e Mësuesit edhe pse u festua të premten, do të shoqërohet nga një mot i paqëndrueshëm. Sipas MeteoAlb, territori shqiptar paraqitet me vranësira të shumta dhe reshjet me intensitet lokalisht deri mesatar. Në zonat e thella malore pritet të ketë shfaqje të pakët të reshjeve të borës. Temperaturat e ajrit do të rriten në mëngjes, por ulen në mesditë duke luhatur vlerat nga 0°C deri në 15°C. Era do fryjë e lehtë në tokë dhe mesatare në det me shpejtësi 45 km/h nga drejtimi jugor duke krijuar dallgëzimi 4 ballë.