”Celibashi ta ketë mendjen në kokë”, Arben Ristani: Grupi ”Alibasha” gënjehet me karamele nga Rama

Ish-sekretari i Përgjithshëm i PD-së, Arben Ristani, flet për situatën politike në Partinë Demokratike dhe vendimin e Gjykatës së Apelit për vulën. Për të grupi ”Alibasha” është blerë nga Edi Rama, sakaq shtoi edhe se kryeministri i gënjen me karamele.

”Grupi që thoni ju, janë ushtarë të Ramës që i mban dhe me karamele. Këta janë të bashkuar me Ramën dhe normalisht që nuk mund të bashkohen me PD. Ky grupim e ka ndarë mendjen se është kundër PD dhe pranë Ramës”, tha ai.

Nga ana tjetër, ai tha se kreu i KQZ-së, Ilirjan Celibashi duhet që të japë një vendim të denjë, që mos të rrezikojë opozitën.

“Shpresoj që Komisioneri Zgjedhor të ketë mendje në kokë dhe të jetë i pandikuar nga Rama. Uroj që Rama mos të jetë në pushtet dhe të bëjnë gjoja që bëjnë garë elektorale, ky është fundi i demokracisë. Në opozitë nuk është vetëm PD-ja, por dhe partitë e tjera. PD e ka për detyrë që të bëjë opozitë në institucione, edhe pse parlamenti është i kapur. Ne do të vazhdojmë t’i drejtohemi dhe të ndjekim rrugën institucionale”.