Çështja McGonigal, Escobar: Nuk janë dëmtuar aspak marrëdhëniet Shqipëri-SHBA

Edhe pse moti është freskuar, politika është në një javë “zjarri”. E enjtja e dy marsit do ta gjejë Parlamentin e Shqipërisë të mbërthyer në debatin me mocionin me kryeministrin Edi Rama për çështjen McGonigal. Janë 13 pyetje të cilat presin përgjigjen e kryeministrit.

I dërguari i SHBA-së për Ballkanin Perëndimor, Gabriel Escobar ka komentuar për herë të parë çështjen McGonigal, ku ka deklaruar me zë dhe me figurë se marrëdhëniet Shqipëri-SHBA nuk janë cenuar aspak. ai konfirmon se nuk është dëmtuar aspak marrëdhënia Shqipëri-SHBA/ Ky është reagimi i parë nga një zyrtar i lartë amerikanë për çështjen McGonigal, ku tha se kjo çështje i takon FBI.

“Shqipëria është aleate e NATO-s dhe pjesë e këshillit të sigurimit, çështja MC Gonigal, nuk e ka dëmtuar aspak marrëdhënien tonë të mirë me Shqipërinë. Shqipëria na ka ndihmuar shumë përgjatë Këshillit të sigurimit. Megjithatë nuk dua të komentoj shumë McGonigal pasi është çështje që i takon FBI. DASH nuk është pjesë e atyre hetimeve”, tha Escobar, në një bashkëbisedim virtual me gazetarë.