Çollaku: Qeveria ka blerë edhe gjyqtarë të Kushtetueses

Partia Demokratike deklaron se maxhoranca po përpiqet të eliminojë opozitën. Shefi i politikës së jashtme në PD Kreshnik Collaku shprehet se cdo hapësirë e lirisë po reduktohet frikshëm, por PD do të qëndrojë fort me cdo cmim, kundrejt mafies në pushtet, sic e cilëson ai.

“Ka një përpjekje totale të paprecedentë me synim të qartë eliminimin total të opozitës reale në vend. Goditet themeli historik i PD, dhjetori i ‘90. Bëhet agresive përpjekja për të blerë përfaqësues të opozitës në parlament. Bllokohet cdo funksion i pushteteve (lokale) të drejtuara nga PD.

Krijohet një bllok mediatik e propogandistik anti PD. Media dhe analistë “të pavarur” po rekrutohen nga maxhoranca dita ditës. Sistemi drejtësisë është nën presion nga maxhoranca, deri gjyqtarë kushtetues përfliten të blerë nga Qeveria.

Kalohet e miratohet një ndarje territori dhe elektorale që asgjeson përfundimisht votën e lirë dhe jep në tavolinë pushtetin maxhorancës dhe sërish fajësohet opozita, madje i kërkohet të mbyllë gojën e të pranojë zgjedhjet e vjedhura në tavolinë. Cdo hapësirë e lirisë po reduktohet frikshëm.

Opozita dhe PD ka dy rrugë. Të shitet, të pranojë ose të reagoje e të qëndrojë , fort e me cdo cmim. Unë jam absolutisht me rrugën e dytë. PD duhet të qendroje fort dhe me cdo cmim ndaj mafies në pushtet. Le të trashet e keqja, sa më shumë trashet aq më shumë afron fundin vetes !!!", shprehet Collaku.