Damian Gjiknuri: Nuk kam patur asnjë udhëtim privat me fituesit e tenderit të inceneratorëve

Sekretari i Përgjithshëm i PS-së, Damian Gjiknuri i pranishëm në Komisionin Hetimor për Inceneratorët, në cilësinë e ish-Ministrit të Energjisë, tha se nuk ka patur asnjë udhëtim privat me fituesit e tenderit të inceneratorëve.

Ai ka mohuar të ketë njohje me Stela Gugallen, ndërsa shtoi se Mirel Mërtirin e njeh vetëm si fytyrë ndërsa me Klodian Zoton ka patur 3 takime, por theksoi jo njohje të afërta apo shoqërore.

“Gugalljen nuk e njoh, Mërtirin e njoh si fytyrë, kurse Zoton e kam takuar disa herë në cilësojnë e ministrit kur kam vajtur për të vizituar Inceneratorin e Elbasani. Por edhe kam punuar me të në Ministrinë e Mbrojtjes. Këto janë njohje që nuk kanë të bëjnë me lidhje shoqërore apo të afërta. Unë kam 20 vite punë në shërbim shtetëror e privat dhe jeta më ka bërë të njoh shumë biznesmenë”, tha Gjiknuri.