Damian Gjiknuri: Shqipëria shumë më e sigurtë nga çfarë ka qenë, sheh drejt BE-së

25 nëntori hapi siparin e festimeve të 110 vjetoritn të shpalljes së Pavarësisë, me ngritjen e flamurit në Elbasan. Bashkia e Elbasanit organizoi disa aktivitete me këtë rast, mes tyre edhe ngritjen e simbolike flamurit në qendër të qytetit.

I pranishëm në këtë aktivitet ishin dhe sekretari i Përgjithshëm i PS-së, Damian Gjiknuri, njëherësh dhe drejtues politik i qarkut, kryebashkiaku Llatja, deputetë, përfaqësues vendor dhe përfaqësues të familjeve të vjetra të qytetit.

Numri dy i socialistëve u shpreh se Shqipëria është shumë më e sigurtë nga çfarë ka qenë, dhe një vend që sheh drejt BE-së. Për të sakrifica e të parëve bën çdo qytetar të Elbasanit krenar.

“Njëkohësisht edhe në kontekstin ku jetojmë, Shqipëria është shumë më e sigurtë nga çfarë ka qenë. Shqipëria po sheh drejt Bashkimit Europian, por gjithçka është ndërtuar mbi punën dhe sakrificën e brezave që kanë kaluar. Të ndjeheni krenarë, dhe të bëjmë krenar të gjithë Shqipërinë me këtë ceremoni simbolike këtu në Elbasan”.