Data e zgjedhjeve, Rama pranon ftesën e Metës. Takimi nesër në Presidencë

Kryeministri Edi Rama ka pranuar ftesën e Presidentit Ilir Meta. Mësohet se takimi për nisjen e konsultimeve për caktimin e ditës për zgjedhjet e ardhshme të 2021, do të zhvillohet këtë të premte në orën 11:00 në Presidencë.

Kreu i qeverisë, Edi Rama do të shoqërohet nga Sekretari i Përgjithshëm i Partisë Socialiste, Taulant Balla.

Pas këtij takimi, kreu i shtetit do të mblidhet dhe me përfaqësuesit e partive opozitare, të Partisë Demokratike dhe Lëvizjes Socialiste për Integrim.