Debati Basha-Rama në Kuvend/ Bushati: I stisur, puna e PD të tregojë si do ta përmbysin atë

Debati që u zhvillua sot mes kryeministrit Edi Rama dhe kreut të PD, Lulzim Basha në Kuvend, për analistin Andi Bushati ishte më shumë i stisur. Në ”Open”, ai tha se sot puna e opozitës nuk është të tregojë se kush është Rama, por si ta përmbysim kryeministrin.

”Po ta ndaj aq thjeshtë, më ngjan më shumë si debat i i stisur, jo se Basha nuk thoshte gjëra të vërteta dhe Rama i përmbahej gënjeshtrave që ka thënë gjithmonë, më duket një debat i stisur se është një film i parë që përfundon me përdhunimin që Rama na bën ne të tjeraëve.

Sot puna e opozitës sipas meje, nuk është të tregojë se kush është Rama, se këtë gjë e dimë, e ka kaluar shoqëria shqiptare ciklin e demaskimit të Ramës, kemi një pikëpyetje si ta përmbysim atë?

Dhe këtu hyn opozita, prandaj them që debati është i stisur, se një opozitë e përçarë e ka shumë të vështirë të përballet me regjimin, dhe ajo që s’më pëlqeu sot është se basha po i mbivendos debatin parlamentar duke shmang atë partiak, se sot opozita ka nevojë të jetë e bashkuar dhe të ketë kryetar legjitim.

Basha ka një hile sepse këto akuza s’të çojnë gjëkundi pa një opozitë me muskuj të fortë. Ai duhet të risigurojë legjitimitetin e munguar të opozitës. Luli sot iku nga memeceria e të përmendurit nga oligarkët se ka probleme në parti”.