Deputetët gjermanë përgatiten të votojnë për fatin e Greqisë

Parlamenti gjerman pritet të votojë gjatë paradites për të miratuar nisjen e negociatave për programin e ri të shpëtimit të Greqisë me vlerë 86 miliardë euro.

Gjermania është një prej vendeve të eurozonës që duhet ta miratojë këtë program në mënyrë që të futet në fuqi.

Të mërkurën e 15 korrikut 2015, ishte Franca që dha votën e saj pro, para se programi të votohej edhe në Greqi, ndërsa të enjten e 16 korrikut ai u miratua edhe nga parlamenti i Finlandës dhe ai i Lituanisë.

Sipas një sondazhi paraprak, pavarësisht kundërshtimeve edhe nga brenda bllokut konservator të Angela Merkel, marrëveshje do të marrë votat e nevojshme.

Megjithatë, kancelarja nuk ka ngurruar të lobojë tek deputetët kristiandemokratë, pasi pritet që gjthsesi debati të jetë i nxehtë.

Parlamenti gjerman po përgatitet të votojë nëse do të lejojë apo jo negociatat për shpëtimin e Greqisë për marrëveshjen 86 miliard euroshe.

Marrëveshja pritet të miratohet, edhe pse një numër i deputetëve konservatorë po refuzojnë mbështjetjen e çdo ndihme financiare për Greqinë.

Votimi vjen disa orë pas lajmit që bankat greke, që u mbyllën tre javë më parë, do të rihapen të hënën.

Njoftimi u bë i mundur pasi Banka Qëndrore Europiane ngriti nivelin e fondeve emergjente në dispozicion.