Deputetët bashkohen me qytetarët në bulevard

Përfaqësuesit politik të Partisë Demokratike janë nisur nga selia e PD-së për t’iu bashkuar protestuesve në bulevardin Dëshmorët e Kombit.

Belind Këlliçi, Tomor Alizoti, Agron Gjekmarkaj, Edi Paloka, Gazment Bardhi, Flamur Noka, janë disa nga zyrtarët e PD-së, që ndodheshin në selinë e PD-së dhe janë nisur prej andej në drejtim të bulevardit ku do të mbahet protesta.

Pothuajse i gjithë grupi parlamentar i PD-së është mbledhur fillimisht në selinë e kësaj partie, për tiu bashkuar më pas protestuesve, që janë thirrur në këtë protestë kombëtare.

Ata shoqërohen nga anëtarë të Forumit Rinos, kryesisht vajza që duket se prijnë grupimi e opozitarëve që ishin mbledhur në selinë e PD-së.

Kjo është protesta e dytë kombëtare që zhvillohet nga opozita në 2024, pas asaj që u mbajt në 20 shkurt.