Deputeti: Ambasadorja e SHBA dhe ndërkombëtarët të mbrojnë interesat e shqiptarëve, jo qeveritarëve

Deputeti i pavarur, Lefter Maliqi deklaroi sot në një konferencë për mediat se manifestimi i 2 marsit ishte shprehje e pakënaqësisë së qytetareve ndaj kësaj qeverie.

Maliqi komentoi dhe deklaratat e ambasadores së SHBA, Yuri Kim për flamurin amerikan. Ai tha se shqiptarët e mbajnë flamurin amerikan si simbolin më të shtrenjtë, pas simboleve kombëtare. “Uroj që ambasadorja e SHBA të dojë Shqipërinë aq sa shqiptarët duan Amerikën”,- tha Maliqi.

Ai i bëri thirrje ambasadores së SHBA dhe ambasadorëve të tjerë që të ndërhyjnë për zgjidhjen e krizës së rëndë politike dhe të kuptojnë se cilat janë kërkesat e shqiptarëve.

Maliqi tha se çdo mbrojtje ndaj akteve të qeverisë “Rama” shkon kundër interesit të qytetarëve shqiptarë dhe të vendit.