“Dështimi i Ramës me Negociatat, Holanda vendos veton për Shqipërinë”

Gazetari Vladimir Lame shprehet se Shqipëria ka dështuar me negociatat duke u ndarë përfundimisht nga Maqedonia e Veriut. Në një postim në Facebook, Lame shprehet se Holanda ka vendosur që konferenca e parë ndërqeveritare mes BE dhe Shqipërisë të mos mbahet.

“Dështim total i ministrit Cakaj! Hollanda ka vendosur zyrtarisht veton për hapjen e negociatave me BE-në në muajin dhjetor duke e konsideruar hap të parakohshëm. Qeveria në Hagë ka hedhur poshtë kornizën negociatore të Komisionit Evropian duke i konsideruar jo bindëse rezultatet që raporton për Shqipërinë. Hollanda kërkon rivendosjen e dialogut politik per reformen zgjedhore dhe zbatimin e saj. Drite jeshile për Shkupin”,- shkruan gazetari i njohur Vladimir Lame në një postim në Facebook.