Dhjetori është muaji i festave, Rama: Festa të gëzuara nga nxënësit e shkollave të Tiranës

Kryeministri Edi Rama ndau sot në rrjetet sociale pamje nga festimet për festat e fundvitit në shkollat e Tiranës. “Festa të gëzuara nga nxënësit e shkollave të Tiranës”, shkroi kryeministri Rama në postim.

Nxënësit festuan me këngë dhe kërcime festën e Krishtlindjeve dhe Vitin e Ri. Ata gjithashtu zbukuruan pemët festive me drita shumëngjyrëshe.

Dhjetori është muaji i festave dhe të gjitha qytetet janë përfshirë nga atmosfera e gëzueshme e këtyre ditëve. Dritat shumëngjyrëshe kanë sjellë një atmosferë festive kudo në Shqipëri.