Dhuna e policisë ndaj të riut, Berisha “zbulon” emrat (VIDEO)

Përmes një postimi në facebook, ish-kryeministri Sali Berisha ka denoncuar dhunën e ushtruar nga policia ndaj një të riu të prangosur në Tiranë. Berisha shkruan se përgjegjësit për këtë ngjarje janë kryeministri Edi Rama, ministri i Brendshëm, Sandër Lleshaj dhe drejtori i përgjithshëm i Policisë, Ardi Veliu.

”Qytetarin e lidhur me hekura në duar shtaza me uniformë e godet me grusht në fytyrë dhe shtaza tjetër me uniformë e mban! Emrat e tyre si në asnjë vend të botës i mbajnë sekret për publikun. Miq, gjersa të bëhen publik emrat e tyre, për çdo njeri emrat e vërtetë të tyre janë tre: Edvin Kristaq Krimineli, gjeneral Hashash Skuthi dhe Ardi Gerond Droga! sb Ndiqeni videon e tyre”.

Nga ana tjetër, mësohet se shërbimi për Çështjet e Brendshme ndërkohë ka pezulluar nga detyra efektivin me iniciale R.C, i cili është punonjës i patrullës në komisariatin Nr.1. Policia bën me dije gjithashtu se të arrestuarit, kanë tentuar që të përplasi me makinë punonjësit e patrullës. Këta të fundit i kanë ndjekur më pas të rinjtë, të cilët janë përfshirë edhe në konfrontim fizik me efektivët.