Dita historike e gjen PD-në të përçarë! Berisha ekspozitë në seli, Basha flet me demokratët

Dita Kombëtare e Rinisë e ka gjetur të përçarë PD-në, pasi në dy kampe të ndara kanë vijuar me aktivitet. 33 vite pas lëvizjes studentore të Dhjetorit ’90 për të rrëzuar sistemin komunist, e djathta qëndron e ndarë me dy grupime.

Në selinë blu, grupimi i Sali Berishës ka përkujtuar këtë ditë nëpërmjet një ekspozite nga Dhjetori 1990 dhe libra për ngjarjet historike të atij viti. Pjesë e eventit ishin një pjesë e nismëtarëve të protestave të 33 viteve më parë.

Në një nga hotelet e Tiranës, PD-ja e Lulzim Bashës ka organizuar një event që fokusohet në diskutime mes demokratëve, përfshirë çështjen e përçarjes së partisë. As në këtë ditë historike, Partia Demokratike nuk mundi të bëhej bashkë.