Dje 9 orë debate e akuza mes PD e PS, mblidhet sërish sot Komisioni hetimor për Shëndetësinë

Do të mblidhet sërsh sot Komisioni hetimor për Shëndetësinë, ku pritet të dëshmojë ish-ministri Ilir Beqaj.

Mbi 9 orë diskutime ditën e djeshme përfunduan me polemika dhe pa finalizim, teksa dëshmia e Ilir Beqajt në Komisionin Hetimor të Shëndetësisë dështoi. Debat i fortë dhe akuza mes PD dhe PS. Më kërkesë të Plarent Ndrecës dëshmia u shty për sot (13 nëntor), në 10:30.

Ish-ministri i Shëndetësisë u rikhye në Kuvend me pranga në duar rreth orës 10:30 të së martës, 12 nëntor, i rrethuar nga policë, por i kujdesshëm që prangat të cilat i rrethonin duart, t’i mbulonte me xhaketë për t’i shpëtuar syrit të medias.

Ndërkohë, anëtarët e opozitës në këtë komision kanë firmosur kërkesën për të thirrur të dëshmojnë Kryeministri Edi Rama dhe Vilma Nushi.