Dosja “Doshi”, zbardhet dëshmia e Palokës në Prokurori

Në dëshminë e dhënë në Prokurori për çështjen “Doshi”, Edi Paloka ka thënë se për këtë çështje kishte marrë dijeni nga vëllai i Mhill Fufit. Sipas Palokës, vëllai i deputetit Fufi është thirrur në takim nga kryetari i Kuvendit, Ilir Meta, në shtator të vitit 2014, raporton Panorama.

Gjatë këtij takimi, sipas Palokës, Meta e ka njoftuar vëllain e Mhill Fufit për ekzistencën e një plani për vrasjen e Tom Doshit dhe deputetit të PDsë. Gjithnjë referuar deklarimeve të Edi Palokës në Prokurori, në këtë takim Ilir Meta i kishte thënë vëllait të Mhill Fufit se vrasja ishte porositur nga kunati i ish-kryeministrit Sali Berisha, me porosi për të destabilizuar situatën në vend.

Gjatë dëshmisë në Prokurori, Paloka ka sqaruar se në lidhje me këtë çështje ka njoftuar ish-kryeministrin Sali Berisha rreth tre muaj para se çështja të bëhej publike..