Drafti i reformës futet në kalendarin 3-javor të Kuvendit

Konferenca e Kryetarëve fut në kalendarin 3-javor të punimeve të Kuvendit draftin për reformën në drejtësi. Vendimi u mor  në mbledhjen  e mbajtur sot para nisjes së seancës plenare, 11:00-11:30.

“Dua t’u njoftoj se para seancës u mblodh Konferenca e Kryetarëve për të diskutuar projektprogramin e punës së Kuvendit dhe projektkalendarin 3-javor të punimeve për periudhën në vazhdim. Në Konferencë u ra dakort të përfshihen në program dhe kalendar projekligjet e depozituara nga Këshilli Ministrave dhe nisma e deputetëve por nuk pati konsensus për përfshirjen në program pune dhe kalendarin tre javor të 7 projektligjeve që shoqërtojnë projektamendamentet kushtetuese dhe të hartuara nga Komisioni i Posaçëm për reformën në drejtësi. Në mbështetje të rregullores kur në Konferencë nuk ka mirëkuptim draft-programi dhe draft-kalendari i nënshtrohen votimit, çështje që është në fund të kësaj seance”, tha kreu i Kuvendit, Ilir Meta.

Opozita mësohet se ka kundërshtuar këtë vendim të mazhorancës, duke e cilësuar të njëanshëm. Ajo ka insistuar për një reformë konsensuale, duke kërkuar të përfshihet neni 88 i Venecias.

Në projekt-kalendarin e bërë publik disa ditë më parë parashikohej që votimi për reformën të bëhej me 21 korrik.