Dule: Zgjedhje ishin 2 hapa para dhe 3 hapa mbrapa

Kryetari i Partisë Bashkimi për të Drejtat e Njeriut  Vangjel Dule priti sot në takim Andrew Bruce përfaqësuesin e Misionit të Vëzhgimit të Zgjedhjeve të OSBE/ODIHR.

“Pas falënderimit të kontributit të veçantë të Misionit  të OSBE/ODIHR z. Dule theksoj se në vlerësimin e tij dhe të partisë që ai drejton, këto zgjedhje ishin 2 hapa para dhe 3 hapa mbrapa si vallja e Echternach”,- njoftoi zyra e shtypit e PDBNJ.

Sipas njoftimit, Dule “u ndal në problematika të hasura gjatë  procesit zgjedhor ku u konstatuan precedentë antiligjor duke patur përballë struktura qeveritare si dhe struktura shtetërore  të cilat u implikuan në këtë proces. Fakte,  si blerja masive e votës, retorika ekstreme nacionaliste, mos përputhja e vulave të sigurisë  si dhe shkeljet  të tjera flagrante që sollën diferenca  të theksuara midis votave për kryetar dhe atyre për këshillë, çuan tjetërsimin e rezultatit të zgjedhjeve”.